O Chuvi implanta unha ferramenta que reduce ata un 40% a radiación dos TAC

O Servizo de Radioloxía do Complexo Hospitalario Universitario de Vigo (Chuvi) implantou unha ferramenta que permite reducir ata un 40 por cento a cantidade media de radiación que reciben os pacientes que se someten a un estudio de tomografía computerizada (TC), sen diminuír a calidade do resultado da proba, segundo informou o Sergas.

Por E.P. | VIGO | 11/01/2017 | Actualizada ás 20:05

Comparte esta noticia

O Servizo de Radioloxía do Complexo Hospitalario Universitario de Vigo (Chuvi) implantou unha ferramenta que permite reducir ata un 40 por cento a cantidade media de radiación que reciben os pacientes que se someten a un estudio de tomografía computerizada (TC), sen diminuír a calidade do resultado da proba, segundo informou o Sergas.

Trátase do sistema ASIR (Adaptative Satasticial Image Reconstruction), que xa foi implantado nos dous TC de 64 cortes do Chuvi, onde empezaron a funcionar a pasada semana no Hospital Meixoeiro e esta semana no Álvaro Cunqueiro. O TC é unha das probas diagnósticas máis avanzadas e precisas para o diagnóstico dunha grande parte de patoloxías.

O xefe do Servizo de Radioloxía, Xan Vieito, destacou que "algo máis da metade dos pacientes que se someten á proba diagnóstica do TC se pode beneficiar desta rebaixa na cantidade de radiación". Así, se estima que esta ferramenta permitirá realizar estes estudios a unhas 23.000 persoas ao ano.

Estes equipos, que se suman aos últimos adquiridos polo Chuvi -que xa contan cun sistema propio de redución de radiación-, serán "beneficiosos para todo tipo de pacientes, pero sobre todo para os máis novos, porque teñen unha maior sensibilidade ás radiacións e se atopan en idade reprodutiva".

Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta