A CORUÑA | 18/01/2017 | Actualizada ás 11:50 por EUROPA PRESS
O xuízo a un home acusado de abusar da súa sobriña política celébrase este mércores na Sección Segunda da Audiencia Provincial da Coruña a porta pechada, despois de aceptar o Ministerio Fiscal a petición da acusación.
Pasadas as 10,00 horas deu comezo o interrogatorio ao procesado, un home que senta no banco dos acusados por feitos acontecidos durante o primeiro semestre do ano 2003.
O Ministerio Público solicita 16 anos de prisión para o home por un delito de abuso sexual sobre unha menor de 13 anos e outro de agresión sexual. A vítima tiña 9 anos cando se produciron os feitos.
O fiscal sostén no seu escrito que o home, aproveitando que a menor pasaba moito tempo na súa casa, e "con ánimo libidinoso", nunha ocasión seguiu á vítima ata un dormitorio e "tratou de quitarlle os 'panties' que levaba, conseguindo a menor saír correndo".
Non obstante, unha semana despois, "volveu seguila ata un dormitorio, colléndoa con forza por detrás, inmobilizándoa, para, a continuación, tocarlle os xenitais". Os feitos foron denunciados pola vítima en novembro de 2012.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.