Por Galicia Confidencial | SANTIAGO DE COMPOSTELA | 19/01/2017 | Actualizada ás 11:45
A Universidade da Coruña (UDC) é, das tres institucións públicas de ensinanza superior de Galicia, a que aplica políticas máis sustentables e respectuosas co medio ambiente. O centro coruñés sitúase por riba das universidades de Santiago de Compostela (USC) e Vigo (UVigo) na sétima edición do GreenMetric Ranking of World Universities, na que se comparan os esforzos de universidades de todo o mundo cara a sustentabilidade ambiental e as políticas de xestión respectuosas co ambiente.
Nesta última edición do Green Metric, que avalía 516 universidades de 75 países no ano 2016, A Universidade da Coruña destaca entre as mellores ao acadar a posición 149 a nivel mundial (percentil 71), e o número 13 a nivel estatal, dun total de 27 universidades españolas, sendo a primeira do Sistema Universitario Galego. A clasificación mundial está encabezada pola Universidade de California Davis; e en España, pola Autónoma de Barcelona.
O Green Metric avalía as universidades en base a seis categorías: infraestruturas, enerxía e cambio climático, xestión de residuos, uso da auga, transportes e educación. A UDC destaca especialmente en educación (posición 47 a nivel mundial e 71,3% da puntuación máxima), e tamén en xestión de residuos (posición 126 e 73,7%), seguida de enerxía e cambio climático (posición 157 e 44,1%).
En relación coa puntuación máxima posible, a UDC sitúase entre o 37,5% en auga e o 73,7% en residuos, mentres que a posición percentil con respecto ao total de universidades vai do 23,4% en localización e infraestrutura ao 90.9% en educación. A diferenza entre ambos índices pódese considerar indicativa da posición de vantaxe da UDC en cada temática sobre a situación das universidades en xeral. A diferenza é positiva en todas as temáticas agás na de localización e infraestrutura, na que é negativa. A posición da UDC é relativamente máis forte en enerxía e cambio climático (+25,4% na diferenza entre a posición percentil e a porcentaxe do máximo), educación (+19,6%) e auga (+14,1%).
A seguinte universidade galega mellor posicionada no Green Metric é a USC, no posto 234 do global e no 17 estatal, mentres que a de Vigo se sitúa no 321 global e no 24 estatal, sendo a única do Sistema Universitario Galego que aparece da metade para abaixo na táboa da clasificación mundial.
Posto | Universidade | Puntuación Total | Locaiiación e Infraestruturas | Enerxía e Cambio Climático | Residuos | Auga | Transporte | Educación |
---|---|---|---|---|---|---|---|---|
1 | Universitat Autonoma de Barcelona | 6986 | 900 | 1251 | 1551 | 921 | 1141 | 1222 |
2 | Universidad de Alcala | 6686 | 776 | 1344 | 1599 | 700 | 1119 | 1148 |
3 | Universitat de Valencia | 6594 | 751 | 1031 | 1476 | 775 | 965 | 1596 |
4 | Universidad Autonoma de Madrid | 6324 | 1086 | 1262 | 1326 | 525 | 1011 | 1114 |
5 | Universitat de Barcelona | 6125 | 755 | 929 | 1650 | 682 | 1160 | 949 |
6 | Universidad de Oviedo | 5988 | 964 | 830 | 1476 | 445 | 865 | 1408 |
7 | Universidad Rey Juan Carlos | 5946 | 839 | 1034 | 1500 | 536 | 906 | 1131 |
8 | Universitat Jaume I de Castellon | 5937 | 919 | 870 | 1326 | 775 | 976 | 1071 |
9 | Universitat de Girona | 5726 | 381 | 1255 | 1401 | 395 | 1079 | 1215 |
10 | Universidad Politecnica de Valencia | 5564 | 215 | 1093 | 1551 | 400 | 1167 | 1138 |
11 | Universidad de Castilla la Mancha | 5444 | 812 | 930 | 1077 | 530 | 865 | 1230 |
12 | Universidad de Navarra | 5423 | 731 | 1049 | 1452 | 550 | 976 | 665 |
13 | Universidade da coruna | 5311 | 576 | 927 | 1326 | 375 | 824 | 1283 |
14 | Universitat de Vic | 4886 | 328 | 1142 | 1575 | 462 | 572 | 807 |
15 | Universidad de Valladolid | 4640 | 522 | 722 | 1251 | 460 | 1125 | 560 |
16 | Universidad de Salamanca | 4538 | 482 | 861 | 1149 | 445 | 1067 | 534 |
17 | Universidade de Santiago de Compostela | 4498 | 432 | 491 | 1251 | 208 | 840 | 1276 |
18 | Universidad de Las Palmas de Gran Canaria | 4445 | 887 | 688 | 1251 | 75 | 651 | 893 |
19 | Universidad de Granada | 4444 | 427 | 675 | 1200 | 300 | 736 | 1106 |
20 | Universitat Rovira i Virgili | 4435 | 775 | 760 | 1227 | 290 | 559 | 824 |
21 | Universidad Miguel Hernandez | 4361 | 820 | 567 | 1224 | 10 | 913 | 827 |
22 | Universidad de Alicante | 4351 | 171 | 682 | 1275 | 407 | 977 | 839 |
23 | Universidad de Zaragoza | 4338 | 664 | 947 | 900 | 271 | 560 | 996 |
24 | Universidade de Vigo Vigo University | 3926 | 675 | 457 | 1101 | 150 | 693 | 850 |
25 | Universitat de les Illes Balears | 3164 | 796 | 497 | 624 | 404 | 551 | 292 |
26 | Universidad de La Laguna | 3132 | 605 | 343 | 975 | 271 | 738 | 200 |
27 | Universidad de Jaen | 2672 | 267 | 312 | 825 | 275 | 504 | 489 |
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.