A Deputación da Coruña cede ao Museo de Belas Artes a obra 'O discurso', de Díaz Pardo

O óleo foi realizado polo artista e intelectual galego en 1946

A CORUÑA | 20/01/2017 | Actualizada ás 18:27 por EUROPA PRESS

Comparte esta noticia

A Deputación da Coruña cedeu ao Museo de Belas Artes a obra 'O discurso', de Isaac Díaz Pardo, nun acto que tivo lugar no organismo provincial onde se atopaba exposto o cadro realizado polo artista en 1946.

O acto contou coa asistencia do presidente da Deputación coruñesa, Valentín González Formoso, e da viccepresidenta, Goretti Sanmartín, así como o secretario xeral de Cultura, Anxo Lorenzo, e a directora do museo, Ángeles Penas.

Segundo explicaron os responsables da institución provincial, o óleo, duns dous metros de ancho por 1,7 de alto, cédese para que a obra poida estar a disposición do público no Museo de Belas Artes, xestionado pola Consellería de Cultura.

COLECCIÓN DA DEPUTACIÓN

O acto contou tamén coa presenza de diversos membros da familia do artista, entre eles o seu fillo Xosé Díaz. Na súa intervención, Formoso recordou o vínculo de Isaac Díaz Pardo coa Deputación, que lle concedeu unha bolsa para a súa formación, ademais de subliñar que o cadro pase a compartir espazo "con destacados artistas galegos dos séculos XIX e XX".

Pola súa banda, Goretti Sanmartín apuntou ao traballo da institución provincial para achegar ao público a colección da que dispón a Deputación. Mentres, Anxo Lorenzo precisou que o óleo se sumará ás tres obras de pequeno formato do artista que figuran na colección do Museo de Belas Artes.

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta