Delegados da CIG do sector do transporte de viaxeiros mostran o seu apoio a unha traballadora que sofre acoso laboral

Delegados da CIG no sector do transporte de viaxeiros mostraron este venres o seu apoio a Nélida Pisco, unha traballadora que denunciou acoso laboral, a través dun manifesto.

Diso informou a central sindical, que indicou que estes delegados comezaron a distribuír un texto de apoio á súa compañeira baixo o título 'Contra o machismo e o acoso laboral'.

Nese documento recórdase que Nélida Pisco viu denegada por Autobuses de Calo a solicitude de redución de xornada para coidar a súa filla, que só toleraba a lactación materna, e que por este motivo acudiu aos tribunais -que lle deron a razón-.

A partir de aí "foi castigada" por Autobuses de Calo "sen ocupación efectiva", pero, "como aínda así non se rendía, foi despedida". Tamén esta decisión foi revogada pola Xustiza, polo que a empresa iniciou a súa campaña de "psicoterrorismo, mobbing, hostigamiento e acoso laboral".