FIPSE destinará 500.000 euros para financiar 22 estudios de viabilidade de innovacións en saúde, 3 de Galicia

A Fundación para a Innovación e a Prospectiva en Saúde en España (FIPSE) vai destinar 500.000 euros ao financiamento de 22 novos estudios de viabilidade de innovacións en saúde, entre os 105 presentados por diferentes Institutos de Innovación en saúde, tres deles de Galicia.

Os proxectos súmanse aos 29 xa aprobados e executados nas convocatorias de 2014 e 2015, nos que FIPSE inverteu +más de 650.000 euros. A convocatoria ten como obxectivo impulsar a transferencia e a translación dos resultados de investigación como panca da innovación, transformado as ideas e os proxectos de I+D en resultados tanxibles que repercutan directamente na saúde da cidadanía e na mellora dos sistemas de saúde.

A distribución territorial dos proxectos financiados encabézaa Cataluña, con oito proxectos, seguida por Madrid, con cinco; Galicia, con tres; Andalucía, con tres; e Valencia, Cantabria e País Vasco, cun proxecto cada unha.

Así mesmo, os proxectos que superen esta primeira fase e se consideren viables, poderán optar ás axudas que concede FIPSE para realizar probas de concepto previas ao seu lanzamento comercial. De resultar positivas, FIPSE seguirá colaborando nos proxectos dándolles soporte xerencial e apoio na busca de financiamento.

"O noso obxectivo é cubrir todo o ciclo de vida da innovación sanitaria, dende a idea inicial á súa explotación comercial", resolveu o director xeral de FIPSE, Alfonso Beltrán García-Echániz.