Xulgan aos activistas que protestaban contra as obras no Miño

Segundo os convocantes, medio cento de persoas concentraronse á 9:30 de hoxe diante dos xulgados de Lugo. Os afectados protestan contra unha denuncia da empresa INCA, responsable das "obras ilegais" da fábrica da luz.

Lois, Miguel e Lola, as tres persoas denunciadas, agradeceron a todas as persoas e organizacións sociais e políticas o seu apoio e manifestaron a súa incromprensión por esta denuncia.

A vista celebrada hoxe estaba prevista para o pasado día 20 de xaneiro pero naquel momento foi aprazada para hoxe, pola ausencia dunha testemuña.