Por Galicia Confidencial | Compostela | 09/02/2017 | Actualizada ás 19:41
Os defraudadores do erario público baixaron en 2015 con respecto ao 2016. Un descenso que a Xunta di que se debe as medidas de control establecidas durante a crise. Así, se hai dous anos se defraudraon 250 millóns, o pasado ese número baixou a 139 millóns.E deses 139 millóns, 36,3 foron produto das manobras fiscais evasoras dos grandes patrimonios do país.
Ao longo do pasado ano realizáronse 2310.000 autoliquidacións, un 6% máis que en 2015, e delas, os servizos de control do fraude fiscal da Xunta, detectaron eses 139 millóns adicionais non declarados de forma legal. Un diñeiro que recadou logo de obrigar aos infractores a realizar 23.000 liquidacións adicionais.
Tamén se realizaron 517.000 valoracións, un 1,1% máis que o pasado ano e o aprazamento de pagos tamén se reduciu un 14%. “Todo isto indica que a situación económica mellora”, salientaba o presidente galego, Alberto Núñez Feijóo na rolda de prensa posterior ao Consello da Xunta. Tamén salientou que nos Orzamentos está previsto un plan especial antifraude para obter 20 millóns máis
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.