Villares: "Outra mentira máis, Feijóo prometeu que tería ao seu fillo nun centro público"
O portavoz parlamentario de En Marea, Luís Villares, afeou este mércores ao presidente da Xunta, Alberto Núñez Feijoo, que recorrese a un hospital privado para que a súa compañeira dese a luz ao seu fillo, Alberto Nuñez Cárdenas, na Coruña.
- Rueda felicita a Feijóo e á súa parella polo nacemento do seu fillo, do que asegura que será "motivo de alegría"
- Nace Alberto, o fillo de Feijóo e Eva Cárdenas
- O presidente da Xunta acode á sanidade privada para o parto do seu fillo
Por Europa Press / Redacción | SANTIAGO DE COMPOSTELA | 15/02/2017 | Actualizada ás 18:13
Durante unha visita a Lugo, Villares lembrou que o propio mandatario dixera "nun medio de comunicación" que tería ao seu fillo "nun centro público". "Pero que Feijóo falte á súa palabra é algo que non nos sorprende", subliñou.
"É algo ao que nos ten adoitados", incidiu, para facer alusión así a que "tamén o AVE ía chegar en 2018" e a que "tamén a AP-9 ía ser galega". "En fin, unha mentira máis non é algo que nos sorprenda", resolveu.
Alberto Núñez Cárdenas naceu na Maternidad Belén de A Coruña. A parella, Eva Cárdenas, directiva de Inditex, de 51 anos, ingresou a primeira hora da mañá nesta clínica privada herculina propiedade do grupo HM, empresa de capital madrileño que se fixo tamén con centros como La Rosaleda e La Esperanza en Santiago ou Modelo na Coruña.
Segundo a Ser, fontes próximas ao presidente dixeron aos medios que acoderon a esta clínica porque alí traballa o xinecólogo de Eva Cárdenas. O embarazo, debido a súa idade, estaba declarado de risco.
