O Goberno galego defende a posición do PP no Congreso, que votou “non” á transferencia da AP-9
Alfonso Rueda critica a "irresponsabilidade" da oposición coa AP-9 e argumenta o seu rexeitamento suliñando que é inviable a gratuidade desa autoestrada como pide En Marea.
Por E.P. | SANTIAGO DE COMPOSTELA | 16/02/2017 | Actualizada ás 17:45
O vicepresidente da Xunta, Alfonso Rueda, apoiou o voto negativo que o Grupo Popular no Congreso tivo cunha iniciativa de En Marea que pedía a transferencia a Galicia da AP-9 e destacou que o Goberno galego reclama a titularidade da Autoestrada do Atlántico para "xestionala mellor" pero non con promesas de gratuidade.
"A proposta de En Marea é unha irresponsabilidade xa que as súas promesas de gratuidade non se poden cumprir", suliñou na rolda de prensa posterior á reunión do Consello ao ser preguntado pola aprobación na Comisión de Fomento do Congreso dunha proposición non de para instar o Goberno a realizar a transferencia da AP-9. A proposta foi apoiada por PSOE, ERC, PNV, Compromís e EH Bildu e tivo o voto en contra do PP e C's.
Respecto diso, o vicepresidente lembrou que desde o ano 2009 a posición do Executivo autonómico é "reclamar a transferencia sobre a competencia da AP-9". Con todo, precisou que a reclamación debe ser "seria" e "non tentar enganar á xente nin contarlle cousas que non son verdade".
Neste sentido, considerou que asegurar, como segundo indicou, "se expuxo onte" na Comisión que "a reclamación da transferencia era para conseguir a gratuidade da autoestrada é tanto como pensar que a xente non é intelixente".
E é que segundo sinalou, este obxectivo "suporía miles de millóns de euros que habería que pagar a unha empresa privada para conseguir o rescate, con independencia de quen teña a titularidade". "E eses miles de millóns supoño que os que fan esa formulación pedirannos que os saquemos da sanidade, dos servizos sociais...", censurou.
Tras deixar claro que isto o Goberno galego "non" o vai a facer, defendeu que Galicia debe ter a titularidade desta infraestrutura para "xestionala mellor en moitos aspectos" como, por exemplo, "conseguir a partir de aí melloras no prezo". "Pero reclamar a titularidade dicindo que exercela quere dicir que a autoestrada lle vai a saír gratis a todo o mundo creo que é enganar á xente e, desde logo, este Goberno non o vai a haber", subliñou.
Ademais, aproveitou para pór en valor a creación da comisión de seguimento da AP-9 que permitirá "arranxar problemas" aínda que, polo momento, a Xunta "non teña a titularidade". "Imos ser serios e, nin facer demagoxias, nin promesas que non se poden cumprir e que evidencian unha enrome responsabilidade", resolveu Alfonso Rueda na súa comparecencia ante os medios tras presidir a reunión do Consello.
