SANTIAGO DE COMPOSTELA | 17/02/2017 | Actualizada ás 15:16 por EUROPA PRESS
O portavoz do PP no Senado, o lucense José Manuel Barreiro, puxo este venres en valor a "independencia" con que traballa a Xustiza en España tras a sentenza do caso Nóos, sen fixarse en "os apelidos" das persoas que se xulgan.
En concreto, Iñaki Urdangarin, esposo da infanta Cristina e cuñado de Felipe VI, foi condenado a seis anos e seis meses de prisión, mentres a súa muller resultou absolta.
Barreiro, tras expresar "o respecto total e absoluto á actuación da Xustiza", resaltou como "algo importante" o feito de que a Xustiza actúe "de forma total e absolutamente independente, de acordo cos criterios que marca a lei".
"Non se fixa para nada nin na procedencia, nin no cargo, nin a orixe, nin no nome, nin nos apelidos da persoa que está a ser xulgada", remachou.
Este proceder, ao seu xuízo, constitúe "unha garantía" e "unha maneira máis de fortalecer un dos alicerces fundamentais do Estado de Dereito", como é o poder xudicial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.