Temas: ANTóN ARIAS CEG

Acordo entre as confederacións de empresarios de Lugo e A Coruña para botar a andar a CEG

O comité executivo da CEG nomea tesoureiro e contadora e ratifica o crédito hipotecario o que posibilitará continuar cos proxectos da entidade empresarial paralizados co anterior presidente.

Por E.P. | SANTIAGO DE COMPOSTELA | 20/02/2017 | Actualizada ás 18:25

Comparte esta noticia

O comité executivo da confederación de empresarios de Galicia (CEG) nomeou tesoureiro a Roberto Almuiña Díaz e contadora a María Luisa Martínez Arias, ademais de ratificar as condicións do crédito hipotecario. Uns nomeamentos froito do acordo entre as patronais de Lugo e A Coruña e que posibilitarán que se continúe cos proxectos paralizados na etapa de Diéter Moure.

Antón Arias, presidente da CEG
Antón Arias, presidente da CEG | Fonte: EP

A proposta dos empresarios da Coruña, a patronal designou como membros do comité executivo a Severino Ares Lago; e a proposta da organización de Lugo a Eduardo Valín Fernández, José Ángel Penas Peón e José Teijeiro Valledor.

O presidente, Antón Arias, designou como persoal de confianza a Juan Manuel Cancelas Sánchez e a David Sobral Pidre. Tamén se adoptaron outros acordos "de carácter interno", segundo sinala a CEG nun comunicado de prensa, "establecendo criterios de funcionamento" da confederación.

En canto á formalización do crédito hipotecario pendente de resolución cun 'pool' bancario, apunta que o comité executivo ratificou as condicións.

Temas: ANTóN ARIAS CEG
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta