SANTIAGO DE COMPOSTELA | 26/02/2017 | Actualizada ás 13:55 por EUROPA PRESS
O Diario Oficial de Galicia (DOG) publicou esta semana as axudas da Consellería de Economía, Emprego e Industria por valor de 1,5 millóns de euros para a formación e fomento en prevención de riscos laborais ao longo de 2017.
Segundo indicou o Goberno galego nun comunicado, a convocatoria destas axudas estrutúrase en dúas liñas. A primeira está destinada a programas de formación intersectorial que realicen asociacións empresariais e organizacións sindicais de carácter intersectorial, cun importe que rolda os 500.000 euros.
A segunda, pola súa banda, está destinada a programas formativos e outras accións de fomento da prevención de riscos laborais, cun orzamento de 1.000.000 euros.
Desta última, precisou a Administración autonómica, poden beneficiarse fundacións sectoriais, organizacións sindicais e asociacións empresariais, tanto de carácter sectorial como intersectorial e, por último, asociacións profesionais de autónomos.
O prazo máximo de presentación de solicitudes en ambos os casos será o venres 24 de marzo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.