Traballadora subcontrada en SOGAMA morre nun accidente laboral

A empresa pública abre unha investigación para esclarecer as causas do suceso, no que unha operaria faleceu tras ser atrapada por unha máquina.

Por E.P. | A CORUÑA | 27/02/2017 | Actualizada ás 17:30

Comparte esta noticia

Unha traballadora da planta de tratamento de residuos da Sociedade Galega do Medio Ambiente (Sogama) faleceu este luns ao quedar atrapada nunha máquina, segundo informa o servizo de emerxencias 112.

Manifestación dos traballadores de SOGAMA
Manifestación dos traballadores de SOGAMA

Tras o ocorrido, a empresa abriu unha investigación para esclarecer as causas do suceso, segundo confirmaron a Europa Press fontes de Sogama.

Ademais, precisaron que os feitos se produciron na zona da planta onde se recibe o lixo convencional. En concreto, tivo lugar na área dun tromel, o lugar onde se separan os residuos. A falecida era operaria dunha subcontrata de Sogama.

Segundo o 112 Galicia, sobre as 12,40 horas, persoal sanitario informaba a emerxencias do suceso. Ao lugar, trasladáronse efectivos dos Bombeiros de Ordes, ademais de Garda Civil e Protección Civil.

Con todo, os bombeiros non chegaron a intervir ao confirmar Urxencias Médicas que a persoa xa estaba liberada e que falecera.

Vertedoiro da Areosa, onde vai parar a maioría do lixo que entra en SOGAMA, en Cerceda
Vertedoiro da Areosa, onde vai parar a maioría do lixo que entra en SOGAMA, en Cerceda

Planta de Sogama en Cerceda
Planta de Sogama en Cerceda
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta