SANTIAGO DE COMPOSTELA | 17/03/2017 | Actualizada ás 14:50 por EUROPA PRESS
O vicepresidente da Xunta, Alfonso Rueda, asegurou este venres que o Goberno galego "non tiña competencia" sobre o caso da muller con cancro a quen se lle negou a invalidez, María Isabel Carragal, quen faleceu este martes tras tres anos de loita.
En concreto, o vicepresidente do Goberno galego foi preguntado polas declaracións do avogado do Defensor del Paciente, Cipriano Castreje, quen denunciou esta situación.
A este respecto, Rueda limitouse a dicir que este caso está xudicializado. "Saben que cando pasa un ano xa non é competencia da Xunta", precisou, para logo engadir que respecta "todas as opinións", entre elas a do Defensor do Paciente.
A continuación, reivindicou o "altísimo nivel" da sanidade pública en Galicia e das súas prestacións, "con independencia de situacións concretas". "Ademais, respecto da invalidez, a Xunta de Galicia non tiña competencia", resolveu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.