Volve Spin Way, o Camiño do emprendemento

O programa acaba de abrir o prazo de inscrición, que se pode formalizar na web ata as 14.00 horas do 28 de abril.

Por GC Emprende | Santiago de Compostela | 20/03/2017 | Actualizada ás 13:57

Comparte esta noticia

Spin Way é un programa internacional que combina a tradición do Camiño de Santiago co talento, axudando a novos emprendedores universitarios a poñer en marcha as súas empresas a través dunha vivencia única que pon a proba a resistencia, coñecemento e capacidade de cooperación dos/as participantes. O programa acaba de abrir o prazo de inscrición para unha nova edición, que se pode formalizar na web ata as 14.00 horas do 28 de abril. 

Spin Way
Spin Way | Fonte: spinway.uninova.org.

Trátase dunha iniciativa aberta a estudantes de último ano de grao, de doutoramento ou posgrao nalgunha universidade da rexión iberoamericana que teñan un modelo de negocio que destaque polo seu elevado grao de innovación e potencial de crecemento, forte orientación ao mercado e alto impacto social, ambiental e económico nas comunidades onde se desenvolve. 

A Universidade de Santiago de Compostela (USC), en colaboración con RedEmprendia, o Organismo Internacional de la Juventud para Iberoamérica (OIJ) e o Instituto de Juventud (INJUVE) impulsan esta edición 2017 de Spin Way. A inscrición é gratuíta e os participantes terán cubertos os seus gastos de aloxamento e manutención durante o desenvolvemento do programa. Adicionalmente, o OIJ brindará apoio económico para o desprazamento a España das persoas seleccionadas que viaxen dende América Latina.

A finais do mes de maio, o día 24, coñecerase o listado provisional dos cen proxectos preseleccionados ao que lle seguirá un período de mentorización en liña do 5 ao 14 de xuño. O listado provisional de finalistas coñecerase o 20 de xuño. Xa no mes de setembro está previsto o obradoiro preparatorio e a realización do treito do Camiño.

As cen candidaturas seleccionadas nesta edición recibirán axuda dun mentor persoal para mellorar o modelo de negocio proposto e recibirán feedback de alto valor engadido para o proxecto de emprendemento. Entre estas propostas elixiranse tamén as candidaturas finalistas que viaxarán a Santiago de Compostela para vivir a aventura Spin Way do 7 ao 11 de setembro, informa a USC.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta