A UDC e a Xunta analizan vías de colaboración no ámbito da economía circular

O reitor da Universidade da Coruña (UDC), Julio Abalde, e a conselleira de Medio Ambiente e Ordenación do Territorio, Beatriz Mato, abordaron vías de colaboración en ámbitos como a economía circular, nunha reunión no reitorado.

En declaracións aos medios, Mato explicou que o encontro forma parte do obxectivo de manter unha "liña de comunicación directa" co tres universidades. Ademais, trasladou a súa vontade de colaborar en cuestións como o cambio climático ou a innovación.

Xunto a iso, sinalou que o obxectivo é lograr que Galicia "sexa un referente na economía circular". "Falar de emprego verde é vital", recalcou a conselleira quen explicou que a universidade xoga neste aspecto "un papel crucial".

Mentres, o reitor, Julio Abalde, aproveitou o encontro para dar a coñecer á conselleira os novos campus de especialización da UDC, Campus Innova e Campus da Sustentabilidade.