Por Manuel Vilas | Santiago de Compostela | 29/03/2017 | Actualizada ás 08:00
Así, a Catedral de Santiago recibirá 300.000 euros para “actividades de promoción”. Outros 323.435 euros será o que destina o departamento de Nava Castro a rehabilitación da primeira planta do antigo Centro Internacional do Peregrino.
Aló instalarase unha nova Cátedra da Universitaria de Santiago. A Cátedra Institucional do Camiño de Santiago e as peregrinacións recibirá 40.000 euros da Axencia. Malia que nela tamén colabora a USC, o convenio de creación especifica que o cargo de Director será nomeado “pola USC de común acordo coa Catedral” e un dos coodirectores será nomeado pola Igrexa.
A Axencia Turismo de Galicia investiu outros 200.000 € para a “mellora da atención aos peregrinos” mediante un convenio que prevé, ademais de sufragar gastos de persoal e servizos da Oficina do Peregrino, subvención o Congreso de Acollida Cristiá.
Por último, o Seminario Mario Compostelano recibe da Axencia 19.000 euros para facer material promocional do Mosteiro de San Martín Pinario.
A posta do Goberno e da Igrexa por fomentar a peregrinaxe está a funcionar, polo menos no referido ao número total de peregrinos. En 2016 o Camiño de Santiago pechou un ano histórico con máis de 278.000 peregrinos, superando o volume do último Ano Santo, o do Xacobeo 2010.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.