VIGO | 29/03/2017 | Actualizada ás 14:57 por EUROPA PRESS
O presidente da Xunta de Galicia, Alberto Núñez Feijóo, avanzou este mércores que hai 8 millóns de euros para investir no Campus do Mar, cuxa execución depende só de que se desbloquee a operación de cesión por parte de Zona Franca, e convidou ao alcalde de Vigo (aínda que sen nomealo expresamente) a superar o "localismo" e substituílo por "cooperación".
Así o manifestou Nuñez Feijóo tras manter un encontro institucional co reitor da Universidade de Vigo, Salustiano Mato, e tras realizar un percorrido por varias das instalacións do campus vigués.
O presidente galego confirmou que este proxecto científico pode beneficiarse de 8 millóns de euros, dos cales 3 millóns serían fondos propios da Xunta de Galicia, outros 3 serían investimento de Zona Franca para rehabilitar os espazos da ETEA, e "como mínimo" 2 millóns máis procedentes de fondos europeos de cooperación transfronteiriza.
Segundo subliñou Feijóo, para que eses investimentos poidan executarse, é necesario un "desbloqueo previo" da cesión das instalacións, algo que só pode aprobarse nun pleno de Zona Franca. Así pois, o presidente da Xunta deixa a pelota no tellado de Abel Caballero, que preside o pleno do organismo estatal, convoca as sesións e decide as ordes do día.
(HABERÁ AMPLIACIÓN CON FOTO)
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.