SANTIAGO DE COMPOSTELA | 29/03/2017 | Actualizada ás 19:50 por EUROPA PRESS
José Ángel Oreiro Romar tomou posesión este mércores como secretario xeral do Consello Consultivo de Galicia, un cargo para o que foi nomeado no pleno da institución a pasada semana.
Diso deu conta o propio organismo supervisor a través dun comunicado, no que indicou que Oreiro Romar é licenciado en Dereito pola Universidade Complutense de Madrid e especialista en Dereito Autonómico e Tributario.
Quen xa asinou unha resolución en xaneiro deste ano na que exercía como secretario xeral en substitución é funcionario da escala de letrados do corpo superior da Xunta e letrado do Consello Consultivo desde 2015.
No pasado foi director de distintas áreas (Desenvolvemento Urbano Sustentable e Urbanismo e Infraestruturas) no Concello de Santiago e xerente de Urbanismo no Concello de Zamora.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.