Temas: EL PROGRESO

Telelugo queda só con dous traballadores tras o despido da metade da plantilla

O Colexio Profesional de Xornalistas de Galicia lamenta estes despedimentos da canle do Grupo El Progreso e di que “deteriora claramente a pluralidade e a calidade da información”.

Por Galicia Confidencial | Lugo | 03/04/2017 | Actualizada ás 18:02

Comparte esta noticia

A canle Telelugo, propiedade do Grupo El Progreso queda, a partir de agora, con só dous traballadores, logo de despedir esta fin de semana a outros dous profesionais. Unha situación que “lamenta” a Xunta de Goberno do Colexio Profesional de Xornalistas de Galicia (CPXG).

Un grupo de nenos visitando os estudos de TeleLugo
Un grupo de nenos visitando os estudos de TeleLugo | Fonte: Ceipdemuimenta.blogspot.com

O pasado venres 31 de marzo, Telelugo cesou nos seus postos de traballo a un xornalista e un cámara de televisión, alegando motivos económicos. Ambos os dous traballadores levaban sete anos traballando na canle e representaban o 50% do cadro de persoal, dado que a empresa xa sufrira no pasado unha redución de persoal.

Telelugo leva funcionando como televisión de proximidade desde o ano 1994 e actualmente ten licenza para emitir na Televisión Dixital Terrestre nas demarcacións de Lugo, Monforte, Vilalba e Viveiro, ademais de poder sintonizarse en toda Galicia a través da operadora R. “Ademais de que a precaria situación na que fica agora deteriora claramente a pluralidade e a calidade da información da cidade e a provincia de Lugo, cómpre lembrar que o espazo radioeléctrico é de dominio público, polo que a concesión de frecuencias podería asociarse ao compromiso do mantemento do emprego”, lembra o CPXG.

Alén diso, lembra que, medios de comunicación de proximidade como Telelugo, “resultan esenciais” para a cobertura da información e a creación de emprego en zonas que, como o interior de Galicia, son menos atendidas por outros modelos mediáticos. “A perda de postos de traballo non só é unha mala noticia para o persoal e o público destes medios, senón que ademais afonda no desequilibrio territorial de Galicia, tanto a un nivel informativo como económico e humano”, engade.

Temas: EL PROGRESO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

2 Fuilco

Es muy triste despedir a trabajadores, pero el dinero para pagarlos no lo pone la Xunta, la CIG, la Telegaita o la Deputación de Lugo, o el colegio de xornalistas. Qué aflojen la cartera e logo falamos.

1 MIRANDA

Si tu tienes un bar o un restaurante en el que empleas a 4 camareros, pero ves que no cubres gastos, prefieres arreglártelas con 2 de ellos antes que cerrar el negocio. Siquiera lo intentas. Por mucho afecto que tengas a los despedidos. Es una cuestión de supervivencia. La diferencia entre el empleo público y el emprendimiento privado es justamente que, el Estado, o la TVG, como empleador puede perder dinero a espuertas, sin necesidad de recortar la plantilla de funcionarios o periodistas, que ya se encargan los contribuyentes de sostener el invento, pero el pequeño empresario, el autónomo no puede permitirse ese lujo. Y si la alternativa es echar el cierre, es lógico que vaya ajustándose como pueda.

1 Un que xa foi diso

O primeiro a saber é se ese medio era realmente independente e se cumpria cun fin de informacion seria, rigurosa e independente. cousa dificial nestes momentos. De ser así temos que pensar que os veciños de Lugo e arredores están tan alienados polas canles "oficiais e oficiosas" que non precisan máis nada. Porque unha canle desas dimensións cun pouco de aprecio individual do comercio e das industrias polo noso, se é auténtico, seria suficiente para manter a Telelugo. Penso eu por algunha experiecnia persoal.