Amancio Ortega colabora no máster de La Voz

As fundacións Amancio Ortega e Santiago Rey Fernández-Latorre organizarán un novo máster en produción audiovisual e xornalismo, título propio da Universidade da Coruña (UDC), que cumpre 18 anos.

Segundo informa a Fundación Santiago Rey Fernández-Latorre, en outubro dará comezo unha nova edición do máster na que se incluirá a posibilidade de facer dúas especialidades, unha en produción executiva e outra en xornalismo multiplataforma.

Este máster pasará a denominarse máster en produción xornalística e audiovisual e ofertará 30 prazas, quince para cada especialidade.

Os alumnos traballarán, de outubro a xuño, con expertos de ambas as especialidades, procedentes de produtoras cinematográficas, medios de comunicación e cadeas de televisión.