Por GC Tendencias | Madrid | 26/04/2017 | Actualizada ás 11:35
No acto de presentación da añada 2016 da D.O. Valdeorras participaron representantes dos ámbitos institucional, político, empresarial e social da capital de España, así como diversos distribuidores e restauradores de prestixio.
No comezo do acto, presentado polo actor Javier Veiga, o presidente do Consello Regulador, Francisco García Álvarez, animou aos presentes a degustar os viños da comarca e a coñecer os “valores diferenciais e singulares” que os definen. García destacou a calidade dos viños da zona e dixo convencido que despois da degustación todos os asistentes ao acto actuarán “como prescriptores e embaixadores” dos viños valdeorreses.
Na súa intervención referiuse tamén ao arraigo e á tradición vinícola de Valdeorras. “Casi todos los habitantes de la comarca están ligados, de un modo u otro, a la elaboración de vino”, precisou, e este feito foi consolidando nesta zona “un saber hacer único” que lle ten permitido á D.O de Valdeorras situar os seus viños en mercados tan esixentes como Estados Unidos, Reino Unido, Holanda, Bélxica ou Xapón.
Ademais de Francisco García, interviñeron no acto a directora xeral de Gandería e Industrias Agroalimentarias da Xunta, Belén do Campo; o director da Casa de Galicia en Madrid, José Ramón Ónega; o subdirector xeral de Calidade Diferenciada e Agricultura Ecolóxica do MAPAMA, Javier Maté, e o prestixioso enólogo José Hidalgo, quen dirixiu unha cata comentada explicando aos presentes as singularidades dos viños de Valdeorras.
Belén do Campo, resaltou o “bo traballo” que están efectuando as bodegas que conforman a D.O. Valdeorras e salientou a “relevancia” que posúen os actos de promoción para difundir a potencialidade dos viños galegos. Por este motivo, felicitou ao presidente do Consello Regulador por poñer en marcha de forma regular iniciativas divulgativas. Finalmente, definiu o sector vitivinícola galego como “estratéxico”
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.