O MAC inaugura este xoves unha exposición da artista e cineasta Eija-Liisa Ahtila

O Museo de Arte Contemporánea Gas Natural Fenosa (MAC) da Coruña inaugura o xoves a exposición 'Ecoloxías do Drama' da artista visual e cineasta Eija-Liisa Ahtila.

A mostra, que vira ao redor da relación do ser humano coa natureza, acolle cinco videoinstalacións, unha serie fotográfica e unha serie de debuxos.

'Ecoloxías do Drama', que se poderá visitar ata o 10 de setembro, é a primeira exhibición individual de Eija-Liisa Ahtila en España.

Sobre a exposición, o MAC asegura que "o amor, o sexo, os celos, a ira, a vulnerabilidade e a reconciliación son algunhas das emocións que están presentes nas obras de Ahtila", unha artista que define o seu traballo como "dramas humanos".