Indignación contra Audasa por un corte e retencións na AP-9
Este luns hai un gran atasco na zona de Rande-O Morrazo. A empresa negouse a levantar a barreira durante horas malia as colas provocadas polo peche da saída da autopista no Milladoiro o venres pola noite.
Por Galicia Confidencial | | 08/05/2017 | Actualizada ás 09:47
Indignación entre moitos automobilistas polo trato que lles deu onte Audasa. A empresa cortou onte pola noite a saída da AP-9 de Santiago Sur no Milladoiro.
Vergonzo. Cortan a saída da ap9 do Milladoiro. Oblíganche a ir ata Padrón, onde esperas 30 min de cola, e inda por riba quérenche cobrar.
— Rodrigo Vázquez (@_rodrigovazquez) 07 maio 2017
Puta vergüenza la #ap9 cortan salida milladoiro y retención enorme en salida Padrón , espero no me hagan pagar.... #ladrones
— Juanjo Blanco Ramos (@RoxinRoxal) 07 maio 2017
No lugar dela, tiveron que viaxar 24 quilómetros máis ate Padrón. O que nalgúns casos prolongou a viaxe até 48 quilómetros máis.
Os condutores láianse de que non houbo información dabondo deste corte, previsto por mor das obras de ampliación. Ademais, ao chegar a Padrón había moitísima cola na pequena peaxe, os internautas falan de media hora, non preparada para tal afluencia de vehículos.
Malia as continuas queixas, Audasa non abriu a barreira. Só deu o seu brazo a torcer as 11:30, despois de que varios condutores presentaran reclamacións formais.
Un asunto que sen dúbida traerá cola, debido a polémica sobre a xestión da Autoestrada do Atlántico, cuxa transferencia reivindican, en diferente grao, as forzas políticas do país.
Por outra parte, varios condutores atrapados na AP-9 á altura de Rande están a informar de atascos duns 50 minutos sentido Vigo. A DGT indica que hai dous quilómetros cun carril pechado en sentido decreciente debido a obras, pois a ponte está a ampliarse.
