O Goberno descarta unha vez máis traspasar a titularidade da AP-9 ao Executivo galego
O Executivo liderado por Rajoy reitera que se trata dunha autoestrada "de interese xeral do Estado" e a apunta a unha "vía de colaboración".
Por E.P. | Santiago de Compostela | 12/05/2017 | Actualizada ás 15:19
O Goberno reiterou que a AP-9 , que comunica a cidade galegas de Ferrol e Tui, é unha autoestrada "de interese xeral do Estado" polo que afirmou que o Estado manterá a titularidade da vía, a pesar da petición do Parlamento galego para que traspasase a titularidade ás institucións autonómicas.
Así o expresou o ministro de Fomento, Iñigo de la Serna, quen, na rolda de prensa posterior ao Consello de Ministros, descartou ese traspaso e apuntou a que o Executivo está "aberto" a crear un grupo de traballo para compartir co Goberno galego as decisións relativas á autoestrada.
A pesar de sinalar unha "vía de diálogo e de colaboración" entre o Goberno central e o autonómico, o ministro defendeu que a titularidade "ten que estar onde está" na actualidade.
