Por GC Tendencias | Santiago de Compostela | 15/05/2017 | Actualizada ás 13:00
Os Amigos dos Músicos recibiron este mes o Premio Martín Códax da música galega a mellor grupo de Pop/Indie. Os premios, organizados pola asociación Músicos ao Vivo e celebrados no Pazo da Cultura de Pontevedra, recoñecen o traballo da banda no último ano, no que publicaron o seu primeiro disco e levaron a súa música por dentro e fóra do país.
O grupo continúa presentando o seu primeiro disco polos palcos do país. Despois de levar as súas cancións a Asturias, Euskadi, Valencia ou Madrid, Os Amigos retoman a xira galega que xa os levou a Ourense, Compostela e Lugo, para agora visitar Carballo, A Coruña e Pontevedra, entre outros lugares. No verán estarán nalgúns dos máis importantes festivais galegos, como o Atlantic Fest, na Illa de Arousa, o Festival de la Luz, en Boimorto, ou o Surfing the Lérez, en Pontevedra.
Será moi especial o concerto no Teatro Principal de Santiago de Compostela, dentro do ciclo Cultura Conversa, no que compartirán escenario con Luis Emilio Batallán, un dos grandes cantautores da música galega e autor da canción Ahí vén o maio, da que O Amigos incluíron unha versión no seu disco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.