SANTIAGO DE COMPOSTELA | 22/05/2017 | Actualizada ás 18:50 por EUROPA PRESS
O Colexio de Fonseca, da Universidade de Santiago de Compostela (USC), acolle este ano unha mostra que propón unha viaxe a través da historia da informática na propia institución académica.
Comisariada polo profesor José Ángel Docobo, a exposición arrinca en 1969 co impulso do entón reitor García Carrido ao centro de cálculo propio, coa colaboración da Fundación Barrié da Maza.
Outro dos eixos da mostra será o Proxecto Telegal, que levou a informática aos ensinos de primaria e secundaria de Galicia.
A exposición incluirá, á súa vez, o primeiro computador analóxico que tivo a USC e paneis didácticos que explicarán as características e partes básicas dos computadores, ademais da evolución da informática desde os anos 70 ata a actualidade a partir dun compendio de aparellos dos 80 e 90 e distintos soportes de almacenamento de datos.
A mostra poderá visitarse durante todo este ano entre as 12.00 horas e as 20.00 horas de luns a venres, e os sábados ata as 15.00 horas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.