O galego Moncho Borrajo presenta este mércores en Santiago o seu libro 'Escolma do humorismo gráfico'

O galego Moncho Borrajo presentará este mércores, 24 de maio, en Santiago de Compostela a obra 'Escolma do humorismo gráfico de Moncho Borrajo', da que asinará exemplares.

A cita terá lugar ás 19,00 horas no Corte Inglés de Santiago. A obra, segundo informa a organización, é "un resumo da actividade á que dedicou especial empeño nos anos oitenta anos nos que a súa actividade artística nos cinemas españois que máis en boga".

Así, esta recompilación recolle nas súas páxinas humor en galego e castelán e xorde coa idea de achegar de novo o traballo de Moncho Borrajo ás novas xeracións.

Ramón Borrajo Domarco (Baños de Molgas, 1949) é un artista polifacético, coñecido popularmente como Moncho Borrajo pola súa faceta de actor cómico, desenvolvida durante máis de corenta anos en teatros de toda España.

Con todo, o traballo de escritor, poeta e, sobre todo de artista plástico de máis longa traxectoria, avalado polas licenciaturas en Belas Artes e Arquitectura Técnica, é moito máis descoñecido; por máis que a súa obra estea exposta en diversos museos e coleccións particulares, e as referencias ao seu traballo aparezan en publicacións especializadas e libros de Arte en Galicia e fóra.

En 1982 subiu por primeira vez aos escenarios en Belle Epoque Valencia. É aí cando empeza a súa carreira de dramaturgo e consegue gran fama na sala madrileña Cleofás e máis tarde noutras da noite de Madrid.