A CORUÑA | 24/05/2017 | Actualizada ás 17:18 por EUROPA PRESS
A Real Academia Galega (RAG) publicou unha serie de documentos sobre o proceso de incorporación de Carlos Casares, escritor ao que este ano se adicou o Día das Letras Galegas, á institución, con motivo do aniversario desta efeméride.
Entre os escritos que a RAG fai públicos, figuran os informes sobre os méritos de Carlos Casares solicitados a Francisco Fernández del Riego, Isidoro Millán González-Pardo e Henrique Chao Espiña.
Outros dos ditames son autoría de Rafael Dieste e Jenaro Marinhas del Valhe. O primeiro valora do ensaio de Casares "a virtude de traer luz á conciencia galega sobre o sentir dos nosos antepasados", subliña a institución académica.
NOMEAMENTO COMO ACADÉMICO
Na documentación, figuran tamén a carta na que se lle comunica a Carlos Casares o seu nomeamento como académico electo -na sesión da RAG celebrada o 15 de maio de 1977- e a súa resposta de agradecemento.
Tamén se inclúe o escrito no que se informa da celebración da cerimonia de ingreso do novo numerario, nun acto que tivo lugar en maio de 1978.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.