Inditex reforza a expansión internacional de Lefties coa apertura da súa quinta tenda en Arabia Saudita

Inditex reforza a expansión internacional de Lefties coa apertura da súa quinta tenda en Arabia Saudita, situada no centro comercial Yasmeen Mall de Yeda, a segunda cidade máis importante do país, e cunha superficie comercial de máis de 1.600 metros cadrados.

Con este novo establecemento son cinco as aperturas da firma de moda durante o último mes en Arabia Saudita, nas cidades de Dhahran, Riad e Yeda, aperturas que confirman a importancia nos plans de expansión internacional da compañía nos países árabes, segundo destacou a firma.

Lefties, cunha rede de 136 tendas, segue apostando polas principais cidades do seis países nos que opera na actualidade: España, Portugal, Rusia, México, Qatar e Arabia Saudita, con previsión de novas aperturas durante 2017.

Os centros comerciais seguen sendo un enclave moi importante na estratexia de expansión e posicionamento da marca durante os próximos dous anos.