Detidos dous homes na Coruña acusados de delitos de violencia de xénero

Axentes da Policía Autonómica da Coruña informaron este venres da detención de dous homes na cidade herculina por supostos delitos de violencia de xénero contra as súas parellas.

Segundo detallou o corpo, axentes do grupo Viogen procederon á detención ao longo desta semana, en días diferentes, de dous homes acusados de senllos delitos de violencia contra as súas parellas.

A Xunta precisou, a maiores, que a Policía adscrita á comunidade autónoma ten asignada a protección dun total de 188 vítimas de violencia machista.