LUGO | 26/05/2017 | Actualizada ás 18:03 por EUROPA PRESS
Membros de Adega e de Mariña Patrimonio denunciaron ante Patrimonio Cultural da Xunta a "destrución" do dolmen da Casa dos Mouros de Lobeira, no Valadouro (Lugo), ocorrida no transcurso duns labores forestais.
Segundo a información solicitada polas asociacións, os presuntos responsables destes feitos terían incumprido os requisitos de patrimonio para a curta e plantación de eucaliptos no dolmen e na súa zona de protección.
Os "expoliadores", continúan, aproveitaron as pas mecánicas e a maquinaria pesada para "extraer dúas pedras" do dolmen e trasladar unha delas ata o xardín dunha casa en Foz, onde foi localizada polo Seprona. A outra a deixaron abandonada á beira da mámoa, xa que lles había partido ao sacala do túmulo.
Para Adega e Mariña Patrimonio, a "masiva destrución" neste tipo de xacementos "provocada pola industria do eucalipto" é "un grave problema que a Consellería de Cultura non quere afrontar, sexa por submisión á todopoderosa industria forestal ou simplemente por falta de capacidade", polo que pediu que se poñan en marcha medidas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.