Por Galicia Confidencial | Lalín | 29/05/2017 | Actualizada ás 14:36
O pleno do Concello de Lalín non outorgou a confianza que reclamou o alcalde esta mañá. Os 10 edís do PP sumaron os seus votos ao concelleiro non adscrito, procedente de Compromiso por Galicia.
Así as cousas, a oposición ten un mes de prazo para presentar outro candidato a alcalde. Se non o fai, ou se perde esa hipotética moción de censura, Rafa Cuíña continuará no cargo e, ademais, logrará aprobar as contas rexeitadas hoxe.
Cruce de acsacións
En opinión do político de Compromiso por Galicia, o PP está a atrasar deliberadamente as inversións en Lalín, co fin de desgastar o seu executivo. Segundo o seu criterio, é a mesma estratexia dos conservadores contra os “gobernos do cambio” noutras cidades e vilas para acusalos de inoperancia. “O dos veciños importa reletivamente, o que importa é o poder”, espetoulles.
O certo é que o líder do PP local, José Crespo, admitiu que non teñen intención de presentar unha moción de censura, polo que os orzamentos de Compromiso por Galicia sairían adiante finalmente e Cuíña continuará no cargo.
Crespo, iso si, acusou aos socios de goberno de negarse a dialogar, malia saberen que non están en minoría. Juan José Cruz, o ex-edil de Compromiso, botou en carra aos seus ex-compañeiros inmolarse por Rafa Cuíña, a quen atacou duramente acusándo de todo tipo de artimañas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.