A CORUÑA | 29/05/2017 | Actualizada ás 16:41 por EUROPA PRESS
A Fundación Luís Seoane renderá o xoves unha homenaxe ao artista no 107 aniversario do seu nacemento, segundo informa a entidade. Así, baixo o título de 'Episodios dunha vella historia', acollerá un recital-concerto no que o actor Santiago Fernández e o músico Sergio López interpretarán poemas do artista galego.
Segundo a organización, trátase dunha homenaxe a un artista "total". "Ao seu compromiso coa súa terra", engade. Ademais, sinala que será unha oportunidade "para achegarse á vertente máis política de Seoane, sen a que a súa obra non podería entenderse".
Na homenaxe, porase voz e música "a unha coidada selección de textos" en base á adaptación por parte do escritor e director do estudo de teatro Casahamlet, Santiago Fernández, de 15 poemas do artista galego.
Destes poemas, a Fundación Luís Seoane destaca os temas que aborda o autor "como a emigración, a loita de clases, a ausencia de xustiza para os máis desfavorecidos, o fracaso individual e colectivo ou os estragos do capitalismo salvaxe".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.