SANTIAGO DE COMPOSTELA | 29/05/2017 | Actualizada ás 18:53 por EUROPA PRESS
O programa de axudas para a incorporación de mozas ao rural galego recibiu 540 solicitudes, 200 menos que o pasado ano, cando se alcanzou o máximo histórico con 784 peticións das que finalmente cumprían os requisitos 618.
Así o anunciou a conselleira do Medio Rural, Ángeles Vázquez, durante a súa visita este luns na explotación ovina 'Cabuxa Natur', situada no Concello de Guntín (Lugo), segundo informou a Xunta a través dun comunicado.
"Só en dous anos máis de 1.300 mozos mostraron o seu interese por incorporarse ao rural. Levamos dous anos moi bos onde os mozos volven ao rural porque o ven como unha alternativa económica e de emprego", declarou Vázquez.
En canto aos plans de mellora, este ano rexistráronse 1.610 solicitudes, polo que o número de agricultores que decidiron presentar un proxecto para modernizar as súas explotacións nos dous últimos anos elévase ata os 3.800.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.