Reactualizando a revolución Bolxevique cen anos despois
O Partido Comunista celebra este sábado en Ourense a súa festa anual cunha mesa sobre os cen anos da revolta liderada por Lenin en Moscova na que participará Alonso Montero.
Por E.P. | SANTIAGO DE COMPOSTELA | 09/06/2017 | Actualizada ás 10:59
O Partido Comunista de Galicia celebrará este sábado, na cidade de Ourense, a súa tradicional festa anual, un encontro que comezará ás 11,00 horas cunha benvida poética a cargo dun grupo musical.
Segundo informou a formación, dentro das actividades desta xornada incluiranse varias mesas de debate, que comezarán ás 11,45 horas con 'A igualdade e a mercantilización dos corpos das mulleres: Prostitución e ventres de alugueiro'.
A continuación, ás 13,15 horas, os presentes debaterán sobre a 'Solidariedade e soberanía dos pobos ante o golpismo imperialista", nunha mesa que contará coa participación do responsable de Relacións Internacionais do PCE, Manu Pineda.
Ás 17,30 horas, o presidente de honra do PCG, Xesús Alonso Montero, participará nunha mesa con membros da Xuventude Comunista sobre o '100 aniversario da Revolución Bolxevique'. A xornada concluirá ás 20,00 horas cun mitin.
