Por Galicia Confidencial | Lugo | 14/06/2017 | Actualizada ás 14:31
O portavoz de Lugonovo, Santiago Fernández Rocha, anunciou este mércores que renuncia á súa acta de concelleiro para reincorporarse ao seu traballo como profesor no colexio de Abadín, onde volverá impartir clases a estudantes de quinto e sexto de primaria.
Rocha explicou que obedece a que tomou "a decisión" de non presentarse ás próximas municipais, e faino dous anos despois de ser a cabeza de cartel de Lugonovo en 2015. Esta decisión comunicouna "á organización", segundo comentou, á que trasladou que se reincorpora ao colexio. "E se o estima oportuno que busque a outra persoa para que me substitúa no día a día. Estiven dous anos e agora quero incorporarme con normalidade ao meu posto de traballo", remarcou.
Respecto diso, Fernández Rocha abundou en que vai seguir "de concelleiro mentres non chegue a substitución", pero avanzou que en setembro iniciará o curso escolar en Abadín.
"O feito de que adiantase a xuño a miña renuncia é porque a miña praza sairía a concurso para provisionais se non optase a ela antes e non me parecía procedente que saíse a concurso sabendo que vou volver ao meu posto de traballo", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.