Por E.P. | SANTIAGO DE COMPOSTELA | 19/06/2017 | Actualizada ás 20:15
ENCE defende que a superficie de eucalipto en Galicia é a menos afectada polos lumes, mentres sinala que "o abandono do rural e a falta de xestión son os máis potentes aliados dos incendios".
Neste sentido, remítese a informes anuais presentados polo Ministerio de Agricultura que reflicten que no período 2000-2013 (último estudo emitido) a incidencia media anual dos incendios afecta só ao 1% da superficie de eucalipto galega, incluíndo os lumes de 2006.
Así mesmo, nun comunicado, a empresa destaca que o informe da Confederación de Organizacións de Silvicultores de España (COSE) sobre os incendios en Galicia, de xaneiro de 2015, sinala que na zona norte do país, onde se concentran as maiores superficies de eucalipto, os lumes son "practicamente inexistentes".
"O abandono do rural e a falta de xestión son os máis potentes aliados dos incendios forestais. Pola contra, a xestión forestal sustentable e eficiente é a mellor alternativa para evitar os lumes no monte galego, á vez que permite aproveitar todo o potencial de creación de emprego e dinamismo económico rural", apunta Ence.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.