Por Galicia Confidencial | Lugo | 20/06/2017 | Actualizada ás 09:00
A concelleira en Lugo Cristina Pérez Herraiz, --irmá da socialista Margarita Pérez Herraiz--, será a voceira provisional do Grupo Municipal de Lugonovo tras a dimisión de Santiago Fernández Rocha. Así o decidiu esta formación este pasado luns.
Pola súa banda, Soledad López Ares, que figuraba en cuarto lugar dentro da candidatura que Lugonovo presentou ás eleccións de 2015, rexeitou incorporarse ao equipo que a formación ten no Concello. A súa determinación foi comunicada no transcurso da xuntanza, á que acudiron máis dunha vintena de integrantes da organización.
Así as cousas, a decisión recae agora na persoa de Xabier Villares -hirmán de Luís Villares-, quinto na lista de Lugonovo, que agardaba á comunicación oficial de Soledad López para poder meditar sobre o novo escenario e o seu futuro profesional antes de pronunciarse ao respecto.
“Toda vez que exista un candidato firme como novo edil de Lugonovo, a Coordinadora convocará unha segunda Asamblea cunha proposta para que os seus membros elixan ao voceiro definitivo para o que queda de mandato e sempre dende a responsabilidade que lles outorga a súarrepresentatividade no Concello”, indica nun comunicado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.