Quedan en liberdade investigadas por atentado á autoridade dúas detidas na Coruña en relación con protestas okupas

Dúas mulleres detidas na Coruña en relación aos feitos ocorridos na primeira manifestación en protesta polo desaloxo e tapiado dun local okupado en Santiago de Compostela quedaron en liberdade investigadas por un delito de atentado contra a autoridade.

Segundo informaron a Europa Press fontes xudiciais, tras pasar a disposición xudicial na Coruña, as dúas mulleres que foran arrestadas na cidade herculina quedaron en liberdade. Agora o caso será asumido polos xulgados de Santiago de Compostela.

Así mesmo, outras dúas persoas que foran detidas este martes en Ourense foron trasladadas á capital galega para que xa pasasen a disposición xudicial nos xulgados da cidade que levan o caso. Precisamente, en Santiago tamén comparecerán ante o xuíz o cinco persoas arrestadas na propia capital galega.

Pola súa banda, fontes policiais explicaron a Europa Press que as detencións están relacionadas coa protesta que tivo lugar o pasado 30 maio, xornada na que, segundo lembraron estas fontes, "varios policías! foron lesionados, rexistráronse desordes públicas e houbo danos ao mobiliario urbano.

A operación pola que este martes foron detidas nove persoas continúa aberta e desenvólvese en distintas cidades de Galicia, polo que as autoridades non descartan novas detencións.