SANTIAGO DE COMPOSTELA | 22/06/2017 | Actualizada ás 19:24 por EUROPA PRESS
O Grupo Parlamentario Socialista celebrará o venres unha xornada de traballo sobre a política forestal de Galicia na que, xunto con cargos do PSdeG, intervirán expertos na materia.
Diso informou o PSdeG a través dun comunicado, no que concretou que o obxectivo desta iniciativa é "analizar e debater" sobre o plan forestal actual, vixente desde 1992 e "xa obsoleto".
Así pois, a xornada haberá de servir para, desde diferentes perspectivas, trasladar ao Parlamento "o que debería facerse para ter un plan forestal adaptado á realidade de Galicia".
A actividade, de cuxa clausura encargarase o portavoz do PSdeG en O Hórreo, Xoaquín Fernández Leiceaga, constará de dúas mesas redondas a cargo dos deputados José Antonio Quiroga e José Manuel Pérez Seco.
EXPERTOS
Nunha delas intervirá o profesor da USC Manuel Marei, o director da Asociación Forestal de Galicia (AFG), Francisco Dans; e o secretario da Asociación Sectorial Forestal de Galicia (Asefoga), Jacobo Feijóo.
Na outra sentarán o membro da Escola Forestal de Pontevedra, Juan Picos; o presidente do Clúster da Madeira de Galicia, Manuel Iglesias; e unha representante da Asociación de Empresas de Servizos Forestais de Galicia (Serfoga), Helena Picos Vilar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.