Por E.P. | SANTIAGO DE COMPOSTELA | 23/06/2017 | Actualizada ás 17:42
En concreto, catro do cinco concelleiros do Bloque neste municipio lucense, incluída a que fose candidata á Alcaldía Pilar López, decidiron abandonar a formación tras as discrepancias xurdidas coa dirección local do BNG sobre a utilidade que se lle quere dar ao Hotel Comercio.
"O Consello Comarcal do BNG da comarca Lugo-Sur decidiu dirixirse á executiva nacional para que lles solicite a este catro concelleiros por escrito e formalmente as actas. Entendemos que as actas pertencen á organización política pola que se presentaron", sinalou Rodicio.
Tras pedir a baixa da formación, o BNG queda cun edil na corporación municipal, na que os catro concelleiros díscolos figurarán como "non adscritos".
Con todo, o dirixente nacionalista expresou a súa "confianza" en que entreguen a acta de concelleira. "Os que imos nas listas do BNG asinamos un compromiso de aceptación de candidaturas no que nos comprometemos, asinámolo -recalca-, a cumprir os principios políticos e éticos da organización". "Eu non dubido da súa lealdade, da súa conciencia e compromiso", subliñou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.