A compañía de teatro Noite Bohemia da Coruña, vencedora do XII Concurso Nacional de Teatro Clásico Grecolatino

A compañía de teatro Noite Bohemia, do Instituto Ramón Méndez Pidal da Coruña, proclamouse vencedora do XII Concurso Nacional de Teatro Clásico Grecolatino, que organiza o Ministerio de Educación.

O grupo de teatro coruñés fíxose co primeiro premio, valorado en 8.000 euros, na categoría superior de Traxicomedia Grega, coa representación da obra 'Bacantes' de Eurípides. A final deste concurso tivo lugar no Teatro Romano de Mérida.

Así, Noite Bohemia faise por terceira vez co galardón deste certame, que se celebra anualmente e que consta de varias fases de selección.

Ademais, un dos membros da compañía, Mario Rodríguez López, foi premiado como mellor actor polo seu papel de 'Penteo' na mencionada obra 'Bacantes'.