Por GC Tendencias | A Coruña | 26/06/2017 | Actualizada ás 11:27
A Sede Afundación da Coruña albergará o vindeiro venres 30 de xuño, a partir das 20.00 h, o espectáculo "A contrapelo" do coñecido debuxante, cómico e youtuber Isaac Sánchez, Loulogio. As entradas están dispoñibles a través das vías de comercialización habituais da entidade: por exemplo na web Ataquilla.com .
A CONTRAPELO, DE LOULOGIO
A contrapelo é un espectáculo de humor bizarro e intelixente, para non perder, a cargo dun dos youtubers máis visualizados. Na vida pódese ir tirando, canalizando, suave, avanzando con alegría... Pero iso non é o normal. O normal é ir un pouco a contrafío. Como Loulogio. Non hai máis que velo.
Loulogio é humorista, colaborador de televisión e creador en Youtube. Foi pintor e profesor de pintura ata que deu o salto á fama a través de Youtube, onde se fixo coñecido polos seus vídeos humorísticos. A súa canle de Youtube conta con case 500.000 subscritores, e os seus vídeos acumulan máis de 78 millóns de visualizacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.