A cantante brasileira Ceumar chega á Casa das Crechas de Santiago

A cantante e compositora brasileira Ceumar estará este mércores, día 28, en Santiago de Compostela, onde actuará na Casa das Crechas.

Segundo apuntou a organización, Ceumar é unha das cantantes e compositoras brasileiras máis destacadas na actualidade, que se presenta en Galicia no seu "formato máis íntimo", de guitarra e voz.

Nada en Minas Gerais nunha familia de músicos, o seu traballo combina de forma única a música popular brasileira con influencias de pop, jazz, bossa nova e samba.

Nesta ocasión, presentará ao público o seu sexto álbum, 'Silenza', froito dunha colaboración co violonchelista francés Vicent Ségal.