A Deputación de Lugo reprocha á Xunta unha repartición de axudas "caciquil", "maioritariamente" para concellos do PP

O portavoz socialista do goberno provincial de Lugo, Álvaro Santos, acusou este mércores á Xunta de levar a cabo "unha xestión caciquil" na repartición dos seus fondos e axudas, pois "maioritariamente" destínanse a concellos gobernados polo PP.

SANTIAGO DE COMPOSTELA | 28/06/2017 | Actualizada ás 16:36 por EUROPA PRESS

Comparte esta noticia

O portavoz socialista do goberno provincial de Lugo, Álvaro Santos, acusou este mércores á Xunta de levar a cabo "unha xestión caciquil" na repartición dos seus fondos e axudas, pois "maioritariamente" destínanse a concellos gobernados polo PP.

Tras detallar os datos sobre convenios subscritos polo Goberno galego no últimos sete meses do pasado ano, puxo de manifesto que 19 dos 21 concellos que recibiron fondos públicos "están gobernados polo Partido Popular".

"Foron 16 millóns de euros, dos que máis de 13 foron para concellos do PP. Onde goberna o PSOE ou outra formación política, a Xunta non inviste nin un só euro", denunciou.

De igual modo, Santos reparou en que o plan de camiños municipais da provincia dotouse de 5,4 millóns de euros en 2016, "ano de eleccións" (autonómicas), mentres que para este exercicio e o seguinte o montante só alcanza os catro millóns de euros.

"No canto de incrementalo e, por tanto, facer ese impulso obxectivo en todos os concellos, recórtano para este ano e o próximo", censurou, crítico con que os fondos para iso destínanse a "convenios dados a dedo aos alcaldes que lles parece a eles" e que "son do PP".

Algún erro? Nota editorial
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta