Por E.P. | SANTIAGO DE COMPOSTELA | 24/07/2017 | Actualizada ás 20:39
Unha moza de 21 anos foi acoitelada na tarde deste luns no aparcadoiro de San Clemente, situado nas inmediacións do parque da Alameda de Santiago. O presunto autor do ataque foi detido a uns 60 metros do lugar dos feitos cando fuxía en coche pola rúa do Pombal, segundo confirmaron fontes policiais.
As forzas da orde barallan a posibilidade de que se trate dun caso de violencia de xénero, aínda que este extremo aínda non foi confirmado.
A moza, de nacionalidade romanesa, atópase ingresada no CHUS na unidade de críticos con entre 15 e 20 feridas por arma branca en cara, peito, brazos, abdome e perna. A vítima atopábase estancionando o seu coche no aparcadoiro de San Clemente cando foi sorprendida polo asaltante, que a atacou cun coitelo.
A central de emerxencias recibiu unha chamada a media tarde deste luns na que unha muller alertaba de que a súa cuñada estaba ferida tras ser atacada pola súa parella.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.