Controlado o incendio forestal de Riós (Ourense) tras queimar 25 hectáreas

A Consellería do Medio Rural deu por controlado na mañá deste martes o incendio forestal rexistrado na parroquia de Fumaces, no concello ourensán de Riós.

Tal e como lembrou a Xunta, o lume comezou ás 16,15 horas da tarde do luns, quedou estabilizado ao redor das 21,00 horas da noite e foi controlado esta mañá. Segundo as estimacións actuais, calcinou unha superficie de 25 hectáreas.

Na extinción das lapas traballan un técnico, sete axentes, 22 brigadas, 12 motobombas, unha pa, oito helicópteros e tres avións.