Extinguido o incendio forestal de Riós (Ourense) tras queimar unhas 24,4 hectáreas

O incendio forestal rexistrado na parroquia de Fumaces, no concello ourensán de Riós, quedou extinguido o martes tras queimar unhas 24,4 hectáreas.

Segundo informou a Consellería do Medio Rural, o lume comezou ás 16,15 horas da tarde do luns, quedou estabilizado ao redor das 21,00 horas da noite e foi controlado na mañá do martes, tras o que quedou extinguido.

Segundo as últimas estimacións apuntadas polo departamento de Medio Rural da Xunta, este lume calcinou unha superficie de de 24,41 hectáreas.

Na extinción das lapas traballaron un técnico, sete axentes, 22 brigadas, 12 motobombas, unha pa, oito helicópteros e tres avións.